Բաքվում ձերբակալվել է «Ժողովրդական ճակատ» կուսակցության ակտիվիստ, բլոգեր Նամիկ Սադիղլին: Սադիղլին բերման է ենթարկվել Բաքվի ոստիկանության Նասիմինի շրջանի 18-րդ բաժանմունք:
Ակտիվիստին մեղադրում են Ադրբեջանի Վարչական խախտումների օրենսգրքի 535.1 հոդվածով՝ անհնազանդություն ոստիկանության օրինական պահանջներին: Նրան կարող են կալանավորել 1 ամսով: Բլոգերի գործը քննվելու է Բաքվի Նասիմինի շրջանի դատարանում, հայտնում է Haqqin.az-ը:
Ըստ կուսակցության ակտիվիստի, Սադիղլին ակտիվ է եղել սոցցանցերում և տեսանյութեր է տեղադրել ընդդիմության հակակառավարական ցույցերի մասին: