Nike ընկերությունը վաճառքի է հանել Pro Hijab կոչվող առաջին սպորտային հիջաբը, այդ մասին հայտնում է HypeBae կայքը:
Ընկերությունը 2017-ի մարտին հայտարարել էր, որ մուսուլման կին մարզիկների համար հատուկ սպորտային հիջաբ է ստեղծել է:
Ներկայացված են սպորտային հիջաբի երկու չափսի և գույնի՝ սև և օբսիդիանի գույն, մոդելներ: Ընկերությունը նախատեսում է նաև արտադրել սպիտակ և մոխրագույն մոդելները:
$35 դոլար արժողությամբ հիջաբն առայժմ հասանելի է միայն ապրանքանիշի առցանց խանութում: Այն խանութներում կդրվի վաճառքի 2018-ի հունվարից:
Սպորտային հիջաբի գովազդային արշավում հանդես են եկել բռնցքամարտիկ Զեյնա Նասարը, գեղասահորդուհի Էգրաթի Զահրա Լարին, ծանրամարտիկ Ամնա ալ-Հադադը և այլ հայտնի մուսուլման կին մարզիկներ: