Հայաստանը պատրաստ է հանդես գալ, որպես օժանդակող կողմ` Վրաստանի եւ Ռուսաստանի միջեւ նորմալ հարաբերությունների հաստատման համար: Այդ մասին այսօր հայտարարել է Հայաստանի արտաքին գործերի փոխնախարար Ռուբեն Շուգարյանը: «Մեր լավ հարաբերությունները այդ երկու երկրների հետ կարելի է օգտագործել այդ նպատակներով»,- ասել է Շուգարյանը: Նրա խոսքերով` Հայաստանը պետք է իր դիրքորոշումն ունենա տվյալ հարցի վերաբերյալ, սակայն, միեւնույն ժամանակ չպետք է այն պարտադրի: