Ազգային երգ ու պար սովորեցնող դպրոցների ցանկը կընդլայնվի: ՀՀ կրթության և գիտության նախարար Լևոն Մկրտչյանի նոր հրամանով լրացում է կատարվել ««Ազգային երգ ու պար» առարկայի փորձնական ծրագիրը Հայաստանի Հանրապետության հանրակրթական ուսումնական հաստատություններում ներդնելու մասին» հրամանում:
Համաձայն հրամանի՝ «Ազգային երգ ու պար» առարկան կներդրվի ևս 9 դպրոցում:
Մասնավորապես, առարկան կդասավանդվի նաև Ս. Շահումյանի անվան թիվ 1, Երևանի թիվ 34, 61, 76, 78, 86, 128 հիմնական դպրոցներում, ինչպես նաև Արարատի մարզի Մարմարաշեն գյուղի միջնակարգ, Մասիս քաղաքի թիվ 4 հիմնական դպրոցներում և Վայոց Ձորի մարզի Ջերմուկի կրթահամալիրում, հայտնում է կրթության և գիտության նախարարության մամուլի ծառայությունը:
Ավելի վաղ հայտնի դարձավ, որ հայկական քոչարին ընդգրկվել է ՅՈւՆԵՍԿՕ-ի մարդկության ոչ նյութական մշակութային ժառանգության ցանկում: Այս մասին հայտնում է Twitter-ում կազմակերպության պաշտոնական միկրոբլոգը:
