Առաջիկա տարիներին նախատեսվում է խոշորացնել ևս 450 համայնք, այս մասին Դիլիջանում ընթացող ՀՀ համայնքների խորհրդաժողովի ընթացքում հայտարարել է ՀՀ ՏԿԶ նախարարի առաջին տեղակալ Վաչե Տերտերյանը:
Նրա խոսքով՝ համայնքների խոշորացման ծրագրի արդյունքում ձևավորվել է 52 խոշորացված համայնք՝ 465 բնակավայրով։
«Խոշորացված համայնքներում ներդրվում են քաղաքացիների սպասարկման գրասենյակներ՝ Համայնքային կառավարման տեղեկատվական համակարգով, ինչն էականորեն բարձրացնում է համայնքային ծառայությունների մատուցման հասանելիոիթյունն ու մատչելիությունը»,- ասել է փոխնախարարը:
Նա նաև տեղեկացրել է, որ նման գրասենյակներով կապահովվեն բոլոր խոշորացված համայնքները և արդեն իսկ դեկտեմբերի 11-ին քաղաքացիների սպասարկման գրասենյակ կբացվի Նոյեմբերյան համայնքում։
«Հայաստանի տարածքային զարգացման հիմնադրամի աջակցությամբ արդեն իսկ մի շարք խոշորացված համայնքներում ծրագրեր են իրականացվում ենթակառուցվածքների զարգացման, տեխնիկական վերազինման, էներգախնայողության ծրագրերի իրականացման ուղղությամբ», - եզրափակել են Վաչե Տերտերյանը։