ՀՀ կառավարությունը չի կարողացել ՌԴ սահմանապահ զորամասից թույլտվությունը ստանալ Երևան-Գորիս-Մեղրի-Իրանի սահման միջպետական ավտոմայրուղու 40 մ երկարությամբ հատվածը վերանորոգելու համար:

Համաձայն գործադիրի դեկտեմբերի 14-ի նիստի օրակարգում ընդգրկված պետության և մասնավոր ընկերության միջև կնքված գնման պայմանագիրը դադարեցնելու որոշման նախագծի հիմնավորման՝ Արաքս գետով Իրանին սահմանակից ճանապարհի այդ հատվածը ափամերձ մյուս տարածքների հետ հսկվում են ՌԴ-ի 2393 սահմանապահ զորամասի կողմից, որը համաձայնություն չի տվել նշված հատվածում ճանապարհաշինական աշխատանքների կատարման համար:

Պայմանագիրը կնքվել էր ՀՀ էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի և «Մեղրու ՃՇՇՁ» սահմանափակ պատասխանատվությամբ ընկերության միջև 2017 թվականին: