Չինական AVIC ընկերությունը, որը մասնագիտացած է ճանապարհաշինության և ենթակառուցվածքների նախագծման աշխատանքներում, ցանկություն ունի մասնակցելու առաջիկայում Հայաստանում նախատեսվող ճանապարհաշինական ծրագրերին: Այս մասին հայտնում է ՀՀ տրանսպորտի, կապի և տեղեկատվական տեխնոլոգիաների նախարարության տեղեկատվության և հասարակայնության հետ կապերի վարչությունը:
Ընկերության ներկայացուցիչները նախարար Վահան Մարտիրոսյանի հետ հանդիպման ընթացքում ներկայացրել են ՀՀ-ում ճանապարհային ցանցի բարելավման և զարգացման իրենց ծրագիրը, որում հաշվի էին առնված երկրի ռելիեֆային, սեյսմիկ և կլիմայական առանձնահատկությունները։
Հանդիպման ընթացքում քննարկվել են ճանապարհաշինական մի շարք ծրագրերի մանրամասներ։
Պայմանավորվածություն է ձեռք բերվել առավել մանրամասն ուսումնասիրել հետագա համագործակցության հնարավորությունները: