Facebook սոցցանցի թիմը հայտարարել է, որ պայքար է սկսում սփամի, լայքեր, մեկնաբանություններ և այլ գործողություններ մուրալու դեմ, որոնք ցույց են տալիս օգտատիրոջ «ներգրավվածությունը»:
Խոսքը հետևյալ հրապարակումների մասին է. «հավանություն տուր (լայքիր), եթե... », մեկնաբանիր, եթե... », «կիսվիր, եթե... », որոնք մեծ տարածում են ստանում հենց «մուրալու» այդ քաղաքականության շնորհիվ, գրում է Ferra.ru-ն:
Ինչպես խոստանում են հեղինակները, այսուհետ նման բովանդակության հրապարակումները ստորադաս տեղ կզբաղեցնեն Facebook-ի լրահոսում: Խոսքը ինչպես շարքային օգտատերերի, այնպես էլ ընկերակցությունների հաղորդագրությունների միասն է:
Ավելի վաղ հայտնի դարձավ, որ Facebook սոցցանցի ալգորիթմերն այսուհետ կկարողանան տարբերակել ու հեռացնել ծայրահեղական գրառումները դրանց հրապարակումից հետո 1 ժամվա ընթացքում: Այդ մասին ավում է Facebook-ի հայտարարության մեջ: