Երևանի թատրոնի և կինոյի պետական ինստիտուտի ուսանող, ռեժիսոր Մարտին Մաթևոսյանի «Դիանայի նվերը» ֆիլմը միանգամից 3 մրցանակ է ստացել Չիլիի South Film and Arts Academy Festival կինոփառատոնում: Այդ մասին ասվում է ֆիլմի ֆեյսբուքյան էջում:
Կարճամետրաժ ֆիլմը, որը տևում է մոտ 45 րոպե, Չիլիի փառատոնին մասնակցել է լավագույն լիամետրաժ դեբյուտային ֆիլմերի անվանակարգում: Այդ փառատոնի շրջանակում 40 րոպե տևողությունը գերազանցող ֆիլմերը համարվում են լիամետրաժ:
Մարտին Մաթևոսյանը ճանաչվել է դեբյուտային լիամետրաժ ֆիլմի լավագույն ռեժիսոր: Գլխավոր դերակատար Անուշիկ Առաքելյանը ճանաչվել է լիամետրաժ դրամայի լավագույն դերասանուհի, իսկ ֆիլմի օպերատոր Վարդան Հարությունյանը պատվավոր մրցանակի է արժանացել լիամետրաժ ֆիլմի օպերատոր անվանակարգում
Ֆիլմի սցենարը անգլիացի գրող Ռոալդ Դալի «Միսսիս Բիքսին և գնդապետի նվերը» պատմվածքի ադապտացիան է: Գլխավոր դերերում նկարահանվել ենԱնուշիկ Առաքելյանը, Արամ Կարախանյանը, Ալեքսանդր Խաչատրյանը, Անջուլինա Թոքմաջյանը:
