Լեռնային Ղարաբաղում նշել են ադրբեջանական Սումգայիթ քաղաքում հայկական ջարդերի 20-րդ տարելիցը: Առավոտվանից ԼՂՀ մայրաքաղաքում տեղակայված հուշակողոթին են այցելել հազարավոր մարդիկ: Հանրապետության տարբեր հիմնարկների, կազմակերպությունների եւ կրթական հաստատությունների ներկայացուցիչնրը, ԼՂՀ Պաշտպանության բանակի զինվորները ծաղկեպսակներ են դրել ողբերգության զոհերի հիշատակը հավերժացնող հուշակոթողին: Հուշակոթող են այցելել ԼՂՀ գերագույն ղեկավարության ներկայացուցիչները` նախագահ Բակո Սահակյանի գլխավորությամբ, հարգանքի տուրք մատուցելով ողբերգության զոհերին: Ժամը 11-ին հուշակոթող են այցելել ԼՂՀ գերագույն ղեկավարության ներկայացուցիչները` նախագահ Բակո Սահակյանի գլխավորությամբ, հարգանքի տուրք մատուցելով ողբերգության զոհերին: Հայ Առաքելական Եկեղեցու Արցախի թեմի հոգեւորականները պատարագ են անցկացրել ի հիշատակ Սումգայիթի ջարդերի անմեղ զոհերի, հաղորդում է Regnum-ը:

1988 թվականի փետրվարի 26-ի երեկոյից մինչեւ փետրվարի 29-ը Ադրբեջանի Սումգայիթ քաղաքում անցած հայակական բնակչության ջարդերը դարձան նորագույն խորհրդային պատմության մեջ էթնիկ բռնության առաջին զանգվածային պայթյունը: Սումգայիթի ջարդերը շարունակվում էին երեք օր եւ ուղեկցվում էին զանգվածային բռնություններով, կողոպուտներով եւ սպանություններով, ինչը հանգեցրել է Ադրբեջանից Լեռնային Ղարաբաղ եւ Հայաստան առաջին գաղթականների հոսքին: Ջարդերի, մեղավորների բացահայտումն ու պատիժը չի անցկացվել, ինչը բերեց Ադրբեջանի եւ Ղարաբաղի հայ բնակչության նկատմամբ բռնության սրման: Պաշտոնական տվյալներով, ջարդերի ժամանակ սպանվել է 32 մարդ: