Ամերիկյան մասնավոր SpaceX ընկերությունը, որի հիմնադիրն է Իլոն Մասկը, դեկտեմբերի 23-ին գործարկել է Falcon 9 կրիչ հրթիռը՝ կապի Iridium Next 10 արբանյակով: Ավելի վաղ հրթիռի առաջին աստիճանը բազմիցս է օգտագործվել արբանյակներն ուղեծիր դուրս բերելու համար:
«Iridium Next արբանյակները կփոխարինեն աշխարհի խոշորագույն առևտրային արբանյակային ցանցը մերձմոլորակային ուղեծրում՝ դառնալով ամենամեծ «տեխնիկական թարմացումներից» մեկը պատմության մեջ»,-ասվում է ընկերության հայտարարության մեջ, գրում է Deutsche Welle-ն:
Առանձին նշվում է, որ որոշ արբանյակներ նախատեսված են նավերին ու ինքնաթիռներին իրական ժամանակի ռեժիմով հետևելու համար:
Այս գործարկումը 18-րդն է SpaceX ընկերության համար 2017-ին: Մինչև դեկտեմբերի վերջը նոր գործարկումներ չեն սպասվում: 2018-ին նախատեսվում է ավելացնել գործարկումների քանակը՝ ներառյալ գերգաղտնի գործողությունը ԱՄՆ կառավարության պատվերով:
