ՀՀ կենտրոնական բանկը հունվարի 8-ից շրջանառության մեջէ դրել «Հովհաննես Զարդարյան-100» արծաթե հուշադրամը:
Հուշադրամի դիմերեսին պատկերված է Հ. Զարդարյանի «Գարուն» կտավը: Հուշադրամի դարձերեսին պատկերված են Զարդարյանի դիմանկարը և Հ. Զարդարյանի «Ձգտում» կտավից դրվագ:
Հուշադրամի անվանական արժեքը 100 դրամ է: Պատրաստված է 925 հարգի արծաթից: Չափը՝ 28,0 x 40,0 մմ է, քաշը՝ 28,28 գ: Դրամաշուրթը հարթ է, քանակը՝ 500 հատ:
Էսքիզների հեղինակն է Վարդան Վարդանյանը:
Հուշադրամը հատվել է Լիտվայի դրամահատարանում, հայտնում է ԿԲ մամուլի ծառայությունը: