Mercedes-Benz ընկերությունը Caravan, Motor, Touristik զբոսաշրջային ցուցահանդեսների ընթացքում X-Class-ի պիկապի հիման վրա նախագծված երկու մեքենայի նախագիծ է ներկայացնելու: Դրանց մեջ հնարավոր կլինի ապրել և կերակուր պատրաստել: Այս մասին գրում է ռուսաստանյան Motor կայքը:
Մոդելների մշակման վրա աշխատել է երկու ընկերություն՝ Tischer-ը և VanEssa-ն:
Պիկապներից մեկն ունենալու է 150 սմ լայնությամբ և 2 մետր բարձրությամբ բնակելի մաս, որի ներսում լինելու է մահճակալ, խոհանոց, բազկաթոռներ, ծալովի լվացարան, պտտվող զուգարանակոնք և լոգասենյակ:
Երկրորդ ավտոմեքենայում լինելու է խոհանոց՝ սառնարանով, սպասքի և մթերքների պահարաններով: