Երևանի քաղաքապետարանի թույլտվությամբ Օղակաձև այգում՝ Իսահակյան 35 հասցեում, կապամոնտաժվեն գոյություն ունեցող տաղավարները, և տեղում կկառուցվի մեկ հարկանի՝ 270 քմ մակերեսով, հասարակական նշանակության օբյեկտ: Այս մասին PanARMENIAN.Net ին հայտնեցին Երևանի քաղաքապետարանի տեղեկատվության և հասարակայնության հետ կապերի վարչությունից:
Շինարարական աշխատանքներն իրականացնում է «Գրին Ֆլորա» ՍՊԸ-ն:
Քաղաքապետարանից հայտնեցին նաև, որ շիանարարական աշախատանքների ընթացքում բացառվում է կանաչ տարածքների հանդեպ որևէ միջամտություն:
Քննարկվող հողամասի նկատմամբ գրանցված իրավունքի տեսակը վարձակալություն է, իսկ հողամասի մակերեսը՝ 1162,18 քմ:
«Առավոտ»-ի տեղեկացմամբ, Օղակաձև այգում՝ ՍԱՍ սուպերմարկետների հետնամասում շինարարություն է սկսվել: Բնակիչներն ահազանգել էին, որ ծառերի և կանաչ տարածքների հաշվին օբյեկտ են կառուցում: