Թբիլիսիում շաբաթվա որոշ օրերին հանրային տրանսպորտը կգործի նաև գիշերային ժամերին: Վրաստանյան Newsgeorgia լրատվակայքի փոխանցմամբ, այս մասին հայտարարել է Թբիլիսիի քաղաքապետ Կախա Կալաձեն:
Մայրաքաղաքի գիշերային կյանքի զարգացումը Կալաձեի նախընտրական խոստումներից մեկն է եղել: Նա ասել է, որ գիշերային կյանքի ակտիվացումը կնպաստի Թբիլիսիի եկամուտների ավելացմանը:
Կալաձեն այժմ աշխատում է գիշերային Թբիլիսիի զարգացման նախագծի վրա, որը ներկայացվելու է փետրվարին:
«Փետրվարի վերջին կներկայացնենք մեր առաջին ծրագրերը՝ մոտակա 4 տարում հանրային տրանսպորտի զարգացման ուղղությամբ», - ասել է քաղաքապետը: