Հայաստանի մշակույթի և արվեստի բնագավառներում պատվավորի կոչում ստացած քաղաքացիներին պարտադիր զինվորական ծառայության զորակոչից տարկետման իրավունք կարող է տրվել: Համապատասխան օրենքի նախագիծը տեղադրված է իրավական ակտերի նախագծերի հրապարակման կայքում:

Տարկետման իրավունքից կարող են օգտվել նաև բնագավառի այն գործիչները, որոնք միջազգային հեղինակավոր առնվազն երեք նախագծերի (մրցույթներ, մրցանակաբաշխություններ, փառատոներ, ցուցահանդեսներ) հաղթողներ կամ մրցանակակիրներ կամ միջազգային հեղինակավոր հարթակներում, բեմերում և խոշոր միջոցառումներում պարբերաբար հանդես եկողներ են:

Սահմանված պայմաններին համապատասխանող գործիչներին տարկետում կտրվի երկու տարի ժամկետով, իսկ հետագա նշանակալի նվաճումների պարագայում՝ նաև երկրորդ անգամ: