Ֆուտբոլի Հայաստանի ազգային հավաքականի կիսապաշտպան Հենրիխ Մխիթարյանի տրանսֆերը «Մանչեսթեր Յունայթեդից» «Արսենալ» պաշտոնապես տեղի կունենա հունվարի 22-ին կամ 23-ին։
Այս մասին, հղում անելով իր աղբյուրներին, հայտնում է BBC Sport-ի թղթակից Դեյվիդ Օրնսթինը։
Նա հայտնել է նաև, որ Մխիթարյանին փոխանակում են լոնդոնյան ակումբի հարձակվող Ալեքսիս Սանչեսի հետ՝ առանց մանկունիանցիների կողմից հավելավճարի։ Ավելի վաղ հայտարարվում էր, որ Մխիթարյանի տեղափոխումն «Արսենալ» լոնդոնյան ակումբի հարձակվող Ալեքսիս Սանչեսին ՄՅՈՒ-ին վաճառելու գործարքի մասն է։
Ըստ Օրնսթինի, տրանսֆերի թղթաբանությունն ավարտված է, իսկ 2 խաղացողների աշխատանքային թույլտվությունները շուտով կթարմացվեն։
Հունվարի 21-ին Մխիթարյանին ու իր գործակալ Մինո Ռայոլային տեսել են Լոնդոնի օդանավակայանում։ Հայ ֆուտբոլիստը, բազմաթիվ աղբյուրների համոզմամբ, «Արսնալում» բուժզննում էր անցնում։