ԵԱՀԿ-ն կոչ է անում Հայաստանին որքան հնարավոր է շուտ դադարեցնել արտակարգ իրավիճակի ռեժիմը
Երեւանում գտվող ԵԱՀԿ գործող նախագահի հատուկ ներկայացուցիչ դեսպան Հեյկի Թալվիթիեն այսօր Հայաստանի իշխանություններին կոչ է արել հնարավորինս շուտ դադարեցնել արտակարգ իրավիճակը եւ խրախուսել քաղաքական երկխոսությունը: «Նշեմ, որ փետրվարի 19-ի նախագահական ընտրություններին 10 օրվա ընթացքում հաջորդած ցույցերը խաղաղ բնույթ էին կրում, սակայն շաբաթ օրը, մարտի 1-ին, տեղի ունեցած իրադարձությունները, որոնք հանգեցրեցին արտակարգ իրավիճակի հայտարարման շատ լուրջ եւ ողբերգական էին», ասաց նա Հելսինկի վերադառնալուց առաջ: Նա նա- նշեց, որ ցավոք` չի ցուցաբերվել առավելագույն զսպվածություն: «Այն փաստը, որ ԵԱՀԿ գործող նախագահը շաբաթ օրվա իրադարձություններից հետո ինձ անմիջապես ուղարկեց Հայաստան ցույց է տալիս, որ նա լրջորեն մտահոգված է: Նա խիստ անհանգստացած է մահվան դեպքերի եւ վիրավորների կապակցությամբ», ավելացրեց նա:Իշխանությունների հետ հանդիպումների ընթացքում Թալվիթիեն հույս հայտնեց, որ արտակարգ իրավիճակը շուտով կդադարեցվի, որպեսզի բնականոն քաղաքական կյանքը վերականգնվի:
«Առաջ գնալու համար անհրաժեշտ է քաղաքական երկխոսություն, իսկ նման երկխոսությունը հնարավոր չէ, քանի դեռ առկա է արտակարգ իրավիճակ», ասաց նա: «Քաղաքական երկխոսությունը կարող է իմաստ ունենալ միայն այն դեպքում, եթե այն ընդգրկուն գործընթաց է, որը ներառում է բոլոր քաղաքական ուժերին»:
Նա նաեւ կոչ արեց իշխանություններին մանրազնին հետաքննել մարտի 1-ին տեղի ունեցած իրադարձությունները: Նա նշեց, որ հանցագործություն իրականացրած բոլոր անձինք պետք է պատասխանատվության ենթարկվեն, սակայն զգուշացրեց քաղաքական հիմքերով ձերբակալություններ իրականացնելուց: Նա նշեց, որ հրավիրվել է Սահմանադրական դատարանի նիստ` նախագահական ընտրությունների արդյունքների վերաբերյալ բողոքները լսելու համար: Թալվիթիեն ասաց, որ ԵԱՀԿ-ն պատրաստ է աջակցել Հայաստանին` ստեղծելու պայմաններ իրավիճակը կարգավորելու համար:
«Ինչպես նշել է ԵԱՀԿ գործող նախագահը` վերջերս Հայաստան կատարած իր այցի ժամանակ, երկխոսությունը եւ համագործակցությունը ԵԱՀԿ հիմնասյուներն են: Մեկ անգամ եւս կոչ ենք անում բոլոր կողմերին` արդյունավետ կերպով օգտագործել այս գործիքները Հայաստանում առկա մարտահրավերներին դիմակայելու համար»,- ասաց նա:
Իր եռօրյա այցի ընթացքում Թալվիթիեն հանդիպել է նախագահ Ռոբերտ Քոչարյանի, նորընտիր նախագահ Սերժ Սարգսյանի, արտգործնախարար Վարդան Օսկանյանի, նախկին նախագահ Լեւոն Տեր-Պետրոսյանի եւ ընդդիմության այլ առաջնորդների, ինչպես նաեւ քաղաքացիական հասարակության ներկայացուցիչների հետ:
«Առաջ գնալու համար անհրաժեշտ է քաղաքական երկխոսություն, իսկ նման երկխոսությունը հնարավոր չէ, քանի դեռ առկա է արտակարգ իրավիճակ», ասաց նա: «Քաղաքական երկխոսությունը կարող է իմաստ ունենալ միայն այն դեպքում, եթե այն ընդգրկուն գործընթաց է, որը ներառում է բոլոր քաղաքական ուժերին»:
Նա նաեւ կոչ արեց իշխանություններին մանրազնին հետաքննել մարտի 1-ին տեղի ունեցած իրադարձությունները: Նա նշեց, որ հանցագործություն իրականացրած բոլոր անձինք պետք է պատասխանատվության ենթարկվեն, սակայն զգուշացրեց քաղաքական հիմքերով ձերբակալություններ իրականացնելուց: Նա նշեց, որ հրավիրվել է Սահմանադրական դատարանի նիստ` նախագահական ընտրությունների արդյունքների վերաբերյալ բողոքները լսելու համար: Թալվիթիեն ասաց, որ ԵԱՀԿ-ն պատրաստ է աջակցել Հայաստանին` ստեղծելու պայմաններ իրավիճակը կարգավորելու համար:
«Ինչպես նշել է ԵԱՀԿ գործող նախագահը` վերջերս Հայաստան կատարած իր այցի ժամանակ, երկխոսությունը եւ համագործակցությունը ԵԱՀԿ հիմնասյուներն են: Մեկ անգամ եւս կոչ ենք անում բոլոր կողմերին` արդյունավետ կերպով օգտագործել այս գործիքները Հայաստանում առկա մարտահրավերներին դիմակայելու համար»,- ասաց նա:
Իր եռօրյա այցի ընթացքում Թալվիթիեն հանդիպել է նախագահ Ռոբերտ Քոչարյանի, նորընտիր նախագահ Սերժ Սարգսյանի, արտգործնախարար Վարդան Օսկանյանի, նախկին նախագահ Լեւոն Տեր-Պետրոսյանի եւ ընդդիմության այլ առաջնորդների, ինչպես նաեւ քաղաքացիական հասարակության ներկայացուցիչների հետ:
