ՌԴ վարչապետ Դմիտրի Մեդվեդևը կարգադրություն է ստորագրել ԵՏՄ երկրներում արտադրված գինու գովազդի արգելքը չեղարկող օրինագիծը Պետդումա ներկայացնելու վերաբերյալ: Համապատասխան փաստաթուղթը հրապարկվել է ՌԴ կառավարության կայքում:
Ինչպես ասվում է հիմնավորման մեջ, նախագծով նախատեսվում է չեղարկել ԵՏՄ երկրներում ՌԴ և ԵՏՄ երկրների տարածքում աճող խաղողից արտադրված գինու և փրփրուն գինիների գովազդի արգելքը տպագիր մամուլում, հեռուստա- և ռադիոհաղորդումներում:
Ըստ գործող օրենքի, այդպիսի ալկոհոլային արտադրանքի գովազդը թույլատրվում էր միայն սննդամթերքի և հանրային սննդի կազմակերպությունների ցուցահանդեսներում, ինչպես նաև հեռուստա- և ռադիոհաղորդումներում ժամը 7-ից մինչև 23-ը:
Դաշնային օրենքում նախատեսվող փոփոխությունն առաջարկվել է ՌԴ օրենսդրությունը ԵՏՄ իրավունքին համապատասխանեցնելու նպատակով: Փոփոխությունների նախագիծը քննարկվել և հավանության է արժանացել կառավարության հունվարի 25-ի նիստում:
