2018-ին 36 հակակարկտային հրթիռային արձակիչ կայան կտեղադրվի
2018 թվականին կմեկնարկի հակակարկտային պաշտպանության հրթիռային համակարգի ներդրման գործընթացը: ՀՀ կառավարության տեղեկատվության և հասարակայնության հետ կապերի վարչության փոխանցմամբ, այս մասին հայտարարվել է վարչապետ Կարեն Կարապետյանի մոտ տեղի ունեցած աշխատանքային խորհրդակցությանը:
Առաջին փուլի մեկնարկը կտրվի մարտի վերջին: Նախատեսվում է 36 հրթիռային արձակիչ կայանի տեղադրման վայրերի որոշում, հրթիռային արձակիչ կայանի ձեռքբերում ու տեղափոխում:
Արտակարգ իրավիճակների և գյուղատնտեսության նախարարների խոսքով՝ համակարգը ծախսարդյունավետ է, և համատեղ քննարկումների արդյունքում այժմ դիտարկվում է ապահովագրական համակարգի ներդրման միջոցով կայանների հաստատուն ծախսերի ապահովման հնարավորությունը:
