Անգլիական «Մանչեսթեր Յունայթեդից» «Արսենալ» տեղափոխված Հայաստանի ազգային հավաքականի կիսապաշտպան Հենրիխ Մխիթարյանը հույսի նշույլներ է ցույց տվել զինագործների» կազմում իր առաջին խաղի ընթացքում: Այս մասին գրում է GiveMeSport կայքը:
«Մխիթարյանը հաճախակի էր տիրում գնդակին վտանագավոր դիրքերում և մրցակցի համար խնդիրներ ստեղծում: Նա չէր վախենում խաղային հնարավորություններ ստեղծելուց իր թիմակիցների համար», - գրում է աղբյուրը:
Հունվարի 30-ին Մխիթարյանն իր առաջին հանդիպումն է անցկացրել «Արսենալի» կազմում` մասնակցելով «Սուոնսիի» հետ Պրեմիեր լիգայի հերթական մրցափուլի խաղին: «Զինագործները» պարտվել են 3-1 հաշվով:
Մխիթարյանի տեղափոխումը «Մանչեսթեր Յունայթեդից» «Արսենալ» պաշտոնապես հաստատվել է հունվարի 22-ին: Հակառակ տեղափոխությունն է արել Ալեքսիս Սանչեսը: Հայաստանի հավաքականի կիսապաշտպան Հենրիխ Մխիթարյանը Լոնդոնի ակումբի կազմում շաբաթական £200.000 կստանա: