Փարիզի քաղաքապետ Անն Իդալգոն Թուրքիայի մեջլիսի հայազգի պատգամավոր Կարո Փայլանին պարգևատրել է VERMEILLE մեդալով:
Փարիզում կայացած արարողությանը մասնակցել են Ֆրանսիայի նախագահ Էմանուել Մակրոնը, կառավարության անդամներ, նախարարներ, մտավորականության և հոգևորականության ներկայացուցիչներ:
Նախագահ Մակրոնն իր ելույթում կարևորել է Կարո Փայլանի դերը թուրքական խորհրդարանաում և երախտագիտություն է հայտնել նրա գործունեության համար, գրում է Nouvelles d’Arménie Magazine-ը:
Ֆրանսիայի նախագահ Էմանուել Մակրոնը հունվարի 30-ին մասնակցել է Ֆրանսիայի հայկական կազմակերպությունների համակարգող խորհրդի (CCAF) ընթրիքին և խոստացել է Հայոց ցեղասպանության զոհերի հիշատակի օրը ներառել Ֆրանսիայի օրացույցում:
Ամենամյա ավանդական ընթրիքին ներկա են եղել Թուրքիայի մեջլիսի պատգամավոր Կարո Փայլանը, Փարիզի քաղաքապետ Անն Իդալգոն, Լիոնի քաղաքապետ Գևորգ Քեփենեկյանը, կառավարության անդամներ, խորհրդարանականներ, Ֆրանսիայի հայկական կազմակերպությունների ղեկավարներ և այլոք: