Իրանը մտադիր է ընդլայնել ոչ նավթային արտադրանքի արտահանումը դեպի Հայաստան: Այս մասին իրանական IRNA լրատվական գործակալության փոխանցմամբ, Երևանում հայտարարել է ՀՀ-ում Իրանի արտակարգ և լիազոր դեսպան Քազեմ Սաջադին:
«Իրանի դեպանատունը ջանք չի խնայի Երևանի և Թեհրանի միջև առևտրաշրջանառության խթանման ուղղությամբ», - ասել է դեսպանը Երևանում իրանցի գործարարների և արտադրողների հետ հանդիպման ընթացքում:
Նա նշել է նաև, որ Հայաստանի հետ տարբեր ոլորտներում հարաբերությունների զարգացումն առաջնահերթություն է Իրանի համար:
Հանդիպմանը քննարկվել են Իրանից ՀՀ արտահանման և տնտեսական համագործակցության զարգացման ուղիները:
Իրանը, 2017 թվականի մարտի 21-ից ի վեր, 250 մլն խորանարդ մետր բնական գազ է արտահանել Հայաստան: Նույն ժամանակահատվածում յուրքանչյուր 1 խմ գազի դիմաց Հայաստանից 3,2 կՎտ էլեկտրաէներգիա է ստացել: 2016-ին Իրանը Հայաստանին 365 մլն խմ գազ է մատակարարել:
