Չնայած նրան, որ Կոսովոյի եւ Լեռնային Ղարաբաղի հակամարտությունները տարբերվում են միմյանցից, Կոսովոն կարող է նախադեպ դառնալ Լեռնային Ղարաբաղի հակամարտության նման հակամարտությունների համար: Այդ մասին Բաքվում կայացած ՆԱՏՕ-ի «Ռոուզ Ռոուդ» սեմինարում ունեցած իր ելույթում հայտարարել է ԵԱՀԿ գլխավոր քարտուղարության ներկայացուցիչ Դոն Լինչը: Ընդգծելով ղարաբաղյան հակամարտության խաղաղ կարգավորման անհրաժեշտությունը` Դ.Լինչը նշել է, որ հակամարտության շարունակությունը նոր զոհեր կբերի: «Մենք պետք է ստիպենք կողմերին նստել բանակցությունների սեղանի շուրջ»,-նշել է նա: Իր հերթին, ՆԱՏՕ-ի Խորհրդարանական Վեհաժողովի քաղաքական կոմիտեի նախագահ Մարկուս Մերկելն ընդգծել է, որ ղարաբաղյան հակամարտության հանգուցալուծումը կարեւոր է նաեւ Ադրբեջանի ժողովրդավարական եւ տնտեսական զարգացման տեսակետից, հաղորդում է ադրբեջանական ԱՊԱ գործակոլությունը: