Գերմանական Mercedes-Benz ընկերությունը ներկայացրել է նոր սերնդի G-Class արտաճանապարհային մեքենայի կատարելագործված մոդելը: Այս մասին գրում է ռուսաստանյան Motor.ru կայքը:

Մեքենայի շարժիչն ունի 585 ձիաուժ հզորություն: Այն ծախսում է 13,2 լիտր վառելիք 100 կմ անցնելու համար:

Նշվում է, որ մեքենան համալրված է ուժային նոր համակարգով, ինչի շնորհիվ մինչև 100կմ/ժ արագություն է զարգացնում 4,5 վայրկյանում, ինչը նախորդ մոդելից ավելի արագ է 0,9 վայրկյանով: Առավելագույն արագությունը կազմում է 220 կմ/ժ:

Mercedes-AMG G 63-ի պաշտոնական շնորհանդեսը կայանալու է 2018 թվականի մարտի 19-ին՝ շվեյցարական Ժնևի 87-րդ միջազգային ավտոշոուի ընթացքում: