Հայաստանը գրավել է 15-րդ տեղը ուղիղ արտասահմանյան ներդրումների ներգրավման վարկանիշում, որը հրապարակվել է ՄԱԿ-ի առեւտրի եւ զարգացման կոնֆերանսի կողմից: «Մեդիամաքս» գործակալության հաղորդման համաձայն, ՄԱԿ-ի 140 անդամ-պետությունների վարկանիշում հաշվի է առնվել 1998-2000թթ. ընկած ժամանակահատվածում գրանցված հարաբերակցությունը ուղիղ արտասահմանյան ներդրումների ծավալի եւ տվյալ երկրի տնտեսության չափի միջեւ: Վարկանիշում ԱՊՀ երկրներից Հայաստանից առաջ է անցել միայն Ադրբեջանը, որը զբաղեցնում է 8-րդ տեղը: Վրաստանը զբաղեցնում է 36-րդ տեղը: