Հայերը չեն քանդել ադրբեջանցիների գերեզմաններն ու հուշարձանները Ղարաբաղում: Այդպիսի հայտարարություն է արել Եվրոպայում իր ելույթներից մեկի ժամանակ ադրբեջանցի քաղէմիգրանտ, բլոգեր Օրդուխան Թեյմուրհանը:

«Այո, ադրբեջանցիների գերեզմաններով խոզեր ու այծեր են անցնում, բայց հայերը վանդալիզմի ակտեր ադրբեջանական հուշարձանների հանդեպ չեն գործել»,-ասել է նա:

Բլոգերի այս հայտարարությունը ծայրահեղ բացասական արձագանք է ստացել սոցցանցերի ադրբեջանական սեգմենտում, գրում է Haqqin.az-ը:

Ավարտին են հասցվել Շուշի քաղաքի Վերին մզկիթի վերականգնման նախագծային աշխատանքները, որոնք իրականացվում էին իրանցի մասնագետների կողմից՝ ԼՂՀ էկոնոմիկայի նախարարության պատվերով: