Հայտնի հոլիվուդյան դերասանուհի, պրոդյուսեր և երգչուհի Բարբարա Սթրեյզանդը խոստովանել է, որ կլոնավորել է իր շանը, որը սատկել է 2017-ին:
Ինչպես պատմել է Սթրեյզանդը Variety ամսագրին, իր 3 տնային կենդանիներից 2-ը Սամանտա անունով իր 14-ամյա շան կլոններն են:
«Նրանք տարբեր են բնույթով: Սպասում եմ՝ երբ են մի փոքր մեծանալու, որ տեսնեմ ունեն արդյոք Սամանտայի շագանակագույն աչքերն ու լրջությունը»,-ասել է դերասանուհին, հայտնում է ՌԻԱ Նովոստին:
Սթրեյզանդն ասել է, որ կլոնավորման համար անհրաժեշտ բջիջները վերցվել են շան բերանից և ստամոքսից, երբ նա դեռ կենդանի էր:
Ինչպես գրում է պարբերականը, տարբերելու համար կլոնավորված շներին, Սթրեյզանդը նրանց կարմիր և մանուշակագույն հագուստ է հագցրել՝ տալով համապատասխան անուններ՝ Միսս Սքարլեթ և Միսս Վայոլետ: