ՀՀ նախագահ Սերժ Սարգսյանը Դանիայում ՀՀ արտակարգ և լիազոր դեսպան Ալեքսանդր Արզումանյանին համատեղության կարգով նշանակել է Նորվեգիայի Թագավորությունում ՀՀ դեսպան:
Այս մասին է հայտնում ՀՀ նախագահի աշխատակազմի հասարակայնության և տեղեկատվության միջոցների հետ կապերի վարչությունը:
Արզումանյանը Դանիայում ՀՀ դեսպան է նշանակվել 2017 թվականի հուլիսին։ Մինչ այդ նա եղել է պատգամավոր «Ազատ դեմոկրատներ» խմբակցությունից, 1992-1993 թվականներին՝ ՀՀ արտակարգ և լիազոր դեսպան ԱՄՆ-ում, 1992-1996 թվականներին՝ ՀՀ մշտական ներկայացուցիչը ՄԱԿ-ում, 1996-1998 թվականներին՝ ՀՀ արտաքին գործերի նախարար։
2008 թվականին միացել էր Տեր Պետրոսյանի ընդդիմադիր շարժմանը, մարտի 1-ի իրադարձություններից հետո ձերբակալվել ու բանտերում է անցկացրել մոտ մեկուկես տարի, 2009-ի ամռանը դատապարտվել 4 տարվա ազատազրկման ու մի քանի այլ քաղգործիչների հետ ազատ արձակվել:
