ԱՄՆ նախագահ Դոնալդ Թրամփը համաձայնվել է հանդիպել Հյուսիսային Կորեայի առաջնորդ Կիմ Չեն Ինի հետ: CNN-ի փոխանցմամբ, այս մասին հայտարարել է Սպիտակ տան մամուլի քարտուղար Սառա Սանդերսը:
Հանդիպումն առաջինը կլինի ԱՄՆ-ի և Հյուսիսային Կորեայի նախագահների միջև:
Սանդերսի խոսքով, ԱՄՆ-ը ակնկալում է, որ Հս. Կորեան կհրաժարվի միջուկային ծրագրերից, միևնույն ժամանակ պահպանելու է պատժամիջոցները և ճնշումը:
Նշվում է, որ նախագահ Թրամփի՝ Կիմ Չեն Ինի հետ հանդիպման վայրն ու ժամանակը կհամաձայնեցվեն ավելի ուշ: Սրան զուգահեռ, Հարավային Կորեայի նախագահի անվտանգության հարցերով խորհրդական Չոն Իյ Յոնի համաձայն, առաջին հանդիպումը կարող է կայանալ մինչև մայիս ամիսը:
Չոնը հայտնել էր նաև, որ Կիմ Չեն Ընը պատրաստ է հրաժարվել միջուկային ծրագրերից: