Մարտի 16-29-ը Բաթումում կանցկացվի շախմատի Եվրոպայի տղամարդկանց անհատական առաջնությունը, որին ըստ նախնական տվյալների, կմասնակցի 318 շախմատիստ, այդ թվում 138 գրոսմայստեր:
Առաջնությունում Հայաստանը կներկայացնի 34 շախմատիստ, այդ թվում տղամարդկանց ազգային հավաքականի անդամներ Գաբրիել Սարգսյանը, Հրանտ Մելքումյանը և Հայկ Մարտիրոսյանը, հայտնում է ՀԱՕԿ լրատվականը:
Եվրոպայի առաջնությունում հանդես կգա նաև Հայաստանի կանանց հավաքականի առաջատար Էլինա Դանիելյանը: