Մարդու իրավունքների պաշտպան Արման Թաթոյանը դեմ է Երևանի ավագանու նիստերը դռնփակ անցկացնելուն: Այս մասին հայտնում է Panorama.am-ը:
Թաթոյանի խոսքով, լրագրողներին պետական համակարգից «օտարացնելու» վտանգավոր միտում է նկատվում:
«Լրագրողը կատարում է հանրային գործառույթ: Դա վտանգավոր եմ համարում, պետք է ամեն ինչ անել նման ընկալում չձևավորվելու համար»,- ասել է Թաթոյանը:
Անդրադառնալով կառավարության նիստերը դռնփակ անցկացնելու որոշմանը՝ ՄԻՊ-ն ասել է, որ իրենք ուսումնասիրել են միջազգային փորձը, և երկրների ճնշող մեծամասնությունն իսկապես նիստերն ուղիղ չի հեռարձակում: Նա նկատել է նաև, որ որոշ երկրներում նիստերին նախորոդում կամ հաջորդում են ճեպազրույցներ: