Հայաստանում ճառագայթային կամ միջուկային վթարի սպառնալիքի կամ վթարի դեպքում բնակչության պաշտպանական միասնական ազդարարման համակարգ կստեծվի: Համապատասխան նախագիծը տեղադրված է իրավական ակտերի նախագծերի հրապարակման միասնական կայքում:
Նշվում է, որ ներկայումս պաշտպանական միջոցառումների իրականացման և պլանավորման գոտիների՝ բնակչության ազդարարման համակարգերը բարոյապես ու ֆիզիկապես մաշված են, և դրանց արդիականացման անհրաժեշտություն է առաջացել: Նախատեսվում է պաշտպանական միջոցառումների իրականացման ծրագիր-ժամանակացույցում կատարել ժամկետների ճշգրտում և շեղումների վերացում:
«Ազդարարման համակարգի նախագծման ծառայությունների, անհրաժեշտ սարքերի և սարքավորումների գնման գործընթացում առաջացել են որոշակի շեղումներ` պայմանավորված Հայկական ԱԷԿ երկրորդ էներգաբլոկի շահագործման նախագծային ժամկետի երկարացման ծրագրի աշխատանքների իրականացմամբ»,- նշվում է նախագծում:
