Մարտի 25 -ին Ռուսաստանի Կեմերովո քաղաքի «Ձմեռային բալենի» առևտրի կենտրոնում խոշոր հրդեհ է բռնկվել, ինչի հետևանքով զոհվել է 56 մարդ: Այս մասին հայտնում է ռուսաստանյան «ՌԻԱ Նովոստի» գործակալությունը:
Դեպքի առնչությամբ հարցաքննվել է 4 մարդ՝ այդ թվում նաև առևտրի կենտրոնի վարձակալ ընկերության ղեկավարը, որի տարածքում է գտնվել կրակի օջախը:
ՌԴ նախագահին կից գործող մարդու իրավունքների գծով խորհուրդն իր ցավակցությունն է հայտնել տուժածների ընտանիքներին և հարազատներին: Նշվում է նաև, որ տուժածների ընտանիքների հետ կաշխատեն հոգեբաններ, սոցաշխատողներ և բժիշկներ: