Գործադիրը ՀՀ ՊՆ-ին ամրացված 101 մլն դրամ արժեքով լազերային բյուրեղների աճեցման սարքերը կհանձնի «Լազերային տեխնիկա» ՓԲԸ-ին: Համապատասխան որոշման նախագիծն ընդգրկված է կառավարության մարտի 29-ի նիստի օրակարգում:
Հիմնավորման մեջ նշվում է, որ ընկերությանը լազերային բյուրեղների աճեցման սարքավորումների հանձնման և կանոնադրական կապիտալի ավելացման արդյունքում այն կներգրավվի ռազմարդյունաբերական զարգացման պետական ծրագրերին:
Նշվում է նաև, որ այդ սարքերի շնորհիվ ընկերությունը կարող է ստեղծել միջազգային նշանակություն ունեցող տեխնոլոգիաներ: