Վենեսուելայի բանտում հրդեհից, որն առաջացել է կալանավորների խռովության ժամանակ, 68 մարդ է զոհվել: Այդ մասին հայտարարել է երկրի դատախազ Թարեկ Ուիլյամ Սահաբը:
Ավելի վաղ հայտարարվել էր 78 զոհի մասին:
Կալանավորների պահման կենտրոնը գտնվում է Վալենսիա քաղաքում: Հաստատությունը գերծանրաբեռնված է եղել: Կալանավորների բողոքի ակցիան սկսվել է, երբ նրանց այցելության էին եկել հարազատները: Կալանավորները որոշել են այցելուներից մեկին պատանդ վերցնել, իշխանություններին իրենց պահանջները ներկայացնելու համար: Պատանդը դանակահարվել էր, հայտնում է ՌԲԿ-ն El Pais-ի վրա հղումով:
Քանի որ իշխանությունները չեն արձագանքել իրենց պահանջներին, կալանավորները սկսել են այրել ներքնակները, ինչն հրդեհի պատճառ է դարձել:
Զոհերից շատերը, այդ թվում այցելուների թվից, շնչահեղձ են եղել: