Վաշինգտոնը շահագրգռված է ղարաբաղյան հակամարտության խաղաղ կարգավորման մեջ, ANS ադրբեջանական հեռուստաալիքին տված հարցազրույցում հայտարարել է ԱՄՆ պետքարտուղրաի Եվրոպայի եւ Եվրասիայի գծով օգնական Դենիել Ֆրիդը: Նրա խոսքերով, ԱՄՆ-ն մշտապես վերաբերվել է Ադրբեջանին որպես ռազմավարական գործընկերոջ: «Մենք կողմ ենք Ադրբեջանի տարածքային ամբողջականությանը: Սակայն միեւնույն ժամանակ Ադրբեջանի հետ համագործակցության միջոցով ակնկալում ենք ղարաբաղյան խնդրի արդար, խաղաղ լուծում»,-ասել է նա: ԱՄՆ պետքարտուղարի օգնականն ընդգծել է նաեւ, որ Միացյալ Նահանգները կանեն հնարավոր ամեն ինչ ղարաբաղյան հակամարտության խաղաղ կարգավորման համար: