Facebook սոցցանցում նախատեսվում է նոր կոճակ ներմուծել՝ Unsend, բոլոր օգտատերերի հաղորդագրությունների համար: Այդ մասին հայտարարել է ընկերության ներկայացուցիչը:
Ըստ նրա, այն օգտատերերը, որոնք օգտվում են գաղտնի հաղորդագրություններից մեսենջերի կոդավորված տարբերակում, կարող են թայմեր՝ հաշվիչ, դնել և հաղորդագրությունները ավտոմատ կերպով կհեռացվեն նշված ժամանակահատվածից հետո, գրում է Lenta.ru-ն TechCrunch-ի վրա հղումով:
Զրուցակիցը պարզաբանել է, որ ընկերությունը մտադիր է ընդլայնել հաղորդագրություններ հեռացնելու գործառույթը, դա մի քանի ամիս կպահանջի:
Ապրիլի 6-ին Facebook-ը հայտնեց, որ հեռացրել է ընկերության հիմնադիր Մարկ Ցուկերբերգի հաղորդագրություններն օգտատերերի հետ նամակագրությունից մեսենջերում՝ կորպորատիվ անվտանգության նկատառումներով: Շարքային օգտատերերը կարող են հեռացնել իրենց հաղորդագրությունները նամակագրությունից, սակայն միևնույն է դրանք մնում են չաթի մյուս մասնակիցների մոտ: