Վենգեր. Մխիթարյանը կարող է խաղալ ՄՅՈւ-ի հետ հանդիպմանը
Լոնդոնի «Արսենալի» գլխավոր մարզիչ Արսեն Վենգերն ասել է, որ հնարավոր է՝ ակումբի կիսապաշտպան Հենրիխ Մխիթարյանը Պրեմիեր լիգայի ընթացիկ մրցափուլում դաշտ դուրս գա «Մանչեսթեր Յունայթեդի» հետ խաղում: Այս մասին գրում է Football.London-ը:
Ֆրանսիացի մարզիչն ասել էր, որ Մխիթարյանը ծնկի շրջանում վնասվածքի պատճառով չի խաղա առաջիկա խաղերին՝ հավելելով, որ հնարավոր է՝ մրցափուլի ավարտին կարողանա դաշտ դուրս գալ:
Ավելի վաղ, Լոնդոնի «Արսենալի» և Հայաստանի ազգային հավաքականի կիսապաշտպան Հենրիխ Մխիթարյանը Եվրոպայի լիգայի հերթական մրցափուլում «զինագործների»՝ Մոսկվայի «ՑՍԿԱ»-ի հետ հանդիպման երկրորդ խաղակեսում վնասվածք էր ստացել: Արսեն Վենգերն ասել էր, որ Մխիթարյանին վերականգնվելու հնարավորություն կտա. նա բաց կթողնի «Սոթամփթոնի» հետ հանդիպումը:
