Տավուշում ականի պայթյունից 3 մարդ է վիրավորվել
Ապրիլի 12-ին Տավուշի մարզի Այգեձոր գյուղի տարածքում ականի պայթյունից երեք քաղաքացի է վիրավորվել: Այս մասին PanARMENIAN.Net ին հայտնեց «Այգեձոր առողջության կենտրոնի» տնօրեն Մուրադ Գրիգորյանը:
Նրա փոխանցմամբ, տուժածները Այգեձորի բնակիչներ են: Կենտրոնի աշխատակիցները դեպքի վայրում առաջին բուժօգնություն են ցույց տվել նրանց՝ անշարժացրել և ցավազրկել են:
«Պայթյունի արդյունքում ամպուտացվել է բնակիչներից մեկի ոտնաթաթը, մյուսի` նախաբազուկը, և երրորդի կրունկն է վնասվել: Առաջին բուժօնգնության ցուցաբերումից անմիջապես հետո նրանք տեղափոխվել են Բերդի հիվանդանոց», - ասաց Մուրադյանը:
