«Քաղաքացիական պայմանագիր» կուսակցության «Իմ քայլը» նախաձեռնության անդամները հասել են Երևանի Հյուսիսային ավտոկայան, որտեղից այժմ Ազատության պողոտայովշարժվում են դեպի Ազատության հրապարակ: Այս մասին հայտնում է «Ազատություն» ռադիոկայանը:
Ազատության հրապարակում ապրիլի 13-ից 17-ը ներառյալ ընդդիմությունը շուրջօրյա հանրահավաքներ կկազմակերպի՝ ըննդեմ ՀՀ նախկին նախագահ Սերժ Սարգսյանի վարչապետության:
Ավելի վաղ, «Քաղաքացիական պայմանագիր» կուսակցության «Իմ քայլը» նախաձեռնության անդամները ավտոերթ են կազմակերպել Մաշտոցի պողոտայում, այնուհետև փակել Ֆրանսիայի հրապարակի հատվածը: Մինչև այդ նրանք Ֆրանսիայի հրապարակում վրան էին տեղադրել, սակայն ոստիկանները հեռացրել էին ցուցարաներին, պատռել վրանը:
Ավելի վաղ ԱԺ ԵԼՔ խմբակցության ղեկավար Նիկոլ Փաշինյանը իր համախոհների հետ քայլարշավ էր սկսել Գյումրիից Երևան՝ ընդդեմ Սերժ Սարգսյանի հավանական վարչապետության և Հանրապետական կուսակցության: