16 սեպտեմբերի 2002 - 22:38 AMT
ԿԱՆՆՈՒՄ ԲԱՑՎԵԼ Է ՕՍՄԱՆՅԱՆ ԹՈՒՐՔԻԱՅՈՒՄ 1915 ԹՎԱԿԱՆԻ ՀԱՅՈՑ ՑԵՂԱՍՊԱՆՈՒԹՅԱՆ ԶՈՀԵՐԻ ՀՈՒՇԱՐՁԱՆ
Սեպտեմբերի 14-ին ֆրանսիական Կանն քաղաքում տեղի է ունեցել Օսմանյան Թուրքիայում 1915 թվականի Հայոց ցեղասպանության զոհերի եւ երկու աշխարհամարտերի ընթացքում հանուն Ֆրանսիայի զոհված հայերի հիշատակին նվիրված հուշարձանի բացման արարողությունը: Հուշարձանը գտնվում է քաղաքի գլխավոր պողոտայի` Կրուազետի վրա, որտեղ ավանդաբար անց է կացվում Կաննի կինոփառատոնը: Բացման արարողությանը ներկա էին Ֆրանսիայում Հայաստանի դեսպան Էդուարդ Նալբանդյանը, Կաննի քաղաքապետ Բերնար Բրոշանը, Սենատի պատգամավորներ եւ այլոք: Իր ելույթում Է.Նալբանդյանը ընդգծել է, որ նման միջոցառումները «զգոնության կոչ են ցանկացած ծայրահեղականության եւ անհանդուրժողականության դեմ»: