Ապրիլի 20-ին՝ էստոնական «Հորտուս Մուզիկուսը» համերգ կտա Զվարթնոցի տաճարում: Դա կլինի Հայաստանում Եվրոպական միության պատվիրակության «2018-ի Մշակութային ժառանգության եվրոպական տարին Հայաստանում» միջոցառման տոնակատարությունների մեկնարկը:
«Հորտուս Մուզիկուս» էստոնական անսամբլը առանձնահատուկ երաժշտական գործիքներով հանդես կգա վաղ շրջանի, ինչպես նաև միջնադարյան և վերածննդի դարաշրջանի երաժշտության մի շարք գործերով՝ գրված եվրոպացի կոմպոզիտորների կողմից:
Միջոցառումը կազմակերպվում է «Երևանյան հեռանկարներ» 19-րդ միջազգային փառատոնի հետ համատեղ:
Միջոցառման սկիզբը 19:00-ին է, մուտքը՝ հրավիրատոմսերով: