Ֆրանսիայի հրապարակում «Իմ քայլը» նախաձեռնության հանրահավաքին մասնակցում է նաև դերասան Հայկ Մարությանը՝ Կարգին Հայկոն:
Նա ցուցարարների առջև իր ելույթում ասել է, որ տեսնելով երիտասարդների ինքնաբուխ շարժումը հուզվել է:
«Ես զարմացած եմ, որովհետև, անկախ մեկը մյուսից ամեն մեկը իր տեղում ինչ-որ բան է արել։ Երբ ես գնացի Երիտասարդական մետրոյի մոտ և տեսա այն ջահելությանը, որն ինքնաբուխ դուրս է եկել քաղաքացիական ահնազանդություն ցույց տալու, աչքերս լցվել էին, որովհետև իրականում հենց նրանք են մեր ապագան: Վաղն իրենք են կերտելու մեր երկրի պատմությունը», - ասել է Մարությանը:
Կարևորագույն իրադարձությունները՝ Pan-ի թարմացվող լրահոսում:
Ավելի վաղ, «Քաղաքացիական պայմանագիր» կուսակցության անդամ, ԱԺ պատգամավոր Նիկոլ Փաշինյանը համակիրների հետ փակել էր քաղաքի հիմնական ճանապարհային հանգույցները: