Սերժ Սարգսյանի վարչապետության դեմ ցույցերն առաջնորդող ընդդիմադիր պատգամավոր Նիկոլ Փաշինյանը պատրաստ է հանդիպել երկխոսության և հանդիպման կոչ արած նախագահ Արմեն Սարգսյանին ու առաջարկում է նրան գալ Հանրապետության հրապարակ։
Այս մասին հայտարարել է ինքը Փաշինյանը, մեկնաբանելով Սարգսյանի՝ հանդիպելու առաջարկը։
«Եթե նա հանուն ճգնաժամի պատրաստ է հանդիպել ինձ հետ, սպասում եմ նրան Հանրապետության Հրապարակում», - ասել է նա։
Հանդիպումը կարող է լինել միայն այդ վայրում, շեշտել է Փաշինյանը «Ես հանրահավաքի ներկայացուցիչ եմ, որտե՞ղ հանդիպեմ 60 հոգու»,- ասել է նա։
Ավելի վաղ ՀՀ նախագահ Արմեն Սարգսյանը հերթական հայտարարությունն է տարածել Երևանում ընթացող բողոքի ցույցերի վերաբերյալ, որում հայտնել է պատրաստակամությունը՝ հանդիպելու Նիկոլ Փաշինյանի հետ, առկա լարվածությունը քաղաքական ուժերի երկխոսության միջոցով մեղմելու նպատակով։
