Հայաստանի ֆուտբոլի հավաքականի և անգլիական «Արսենալի» կիսապաշտպան Հենրիխ Մխիթարյանը գոլի հեղինակ է դարձել «Մանչեսթեր Յունայթեդ»-«Արսենալ» հանդիպման ընթացքում:
Մխիթարյանն առաջին ֆուտբոլիստն է, որը նույն խաղաշրջանում գոլի հեղինակ է դառնում «Մանչեսթեր Յունայթեդի» կազմում և գրավում այդ նույն թիմի դարպասը, հայտնում է Opta-ն:
Ինչպես ասվում է «Արսենալի» պաշտոնական կայքում հրապարակված հոդվածում, եղան մի քանի սուր գրոհներ, և հատկապես սուր ստացվեց Մեյթլանդ-Նայլզ և Մխիթարյանի մասնակցությամբ կոմբինացիան, որն ավարտվեց վերջինիս հարվածով, որը բավականին վտանգավոր էր հակառակորդի համար:
«Եթե Հենրիխի հարվածն առաջին խաղակեսում միայն անհանգստացրեց Դավիթ դե Խեային, ապա նրա դիպուկ հարվածը 51-րդ րոպեին թեթև շոկ առաջացրեց «Օլդ Թարֆորդում»,-ասվում է հրապարակման մեջ:
Սա առաջին խաղն էր Հենրիխի համար ապրիլի 5-ից ի վեր, երբ նա վնասվածք ստացավ ԲԿՄԱ հետ խաղում: