Հայկական ատոմային էլեկտրակայանը (ՀԱԷԿ) կարող է անվտանգ գործել մինչեւ 2016 թվականը, այսինքն մինչ այն ժամանակ, երբ սպառվում է ԱԷԿ-ի շահագործման ժամկետը: Այդ մասին հայտարարել է ՀՀ էներգետիկ հանձնաժողովի փոխնախագահ Նիկոլայ Գրիգորյանը: Նրա կարծիքով, մինչ այդ ժամկետը ԱԷԿ-ն այլընտրանք չունի: ՀԱԷԿ-ի անվտանգությանը մեծ ուշադրություն է հատկացվում, նշել է նա, բացի այդ, նման կայաններ այսօր նորմալ գործում են ԱՊՀ տարածքում: Ատոմային էներգետիկային այսօր բաժին է ընկնում հանրապետությունում արտադրվող էլեկտրաէներգիայի 40 տոկոսը, ընդգծել է Գրիգորյանը: