ՌԴ նախագահ Վլադիմիր Պուտինը շնորհավորել է Նիկոլ Փաշինյանին Հայաստանի վարչապետի պաշտոնը ստանձնելու կապակցությամբ: Նա հույս է հայտնել, որ Փաշինյանի գործունեությունը կնպաստի երկու երկրների դաշնակցային հարաբերությունների ամրապնդմանը, հայտնում է Կրեմլի մամուլի ծառայությունը:
«Հուսով եմ, որ կառավարության ղեկավարի պաշտոնում Ձեր գործունեությունը կնպաստի բարեկամական, դաշնակցային հարաբերությունների ամրապնդմանը մեր երկու երկրների միջև, նաև գործընկերային փոխգործակցությանը՝ ԱՊՀ, ԵՏՄ և ՀԱՊԿ շրջանակներում», - ընդգծել է Պուտինը:
ՌԴ վարչապետի պաշտոնակատար Դմիտրի Մեդվեդևը ևս շնորհավորել է Նիկոլ Փաշինյանին՝ Հայաստանի վարչապետի պաշտոնում նշանակվելու առթիվ:
ԱԺ ԵԼՔ խմբակցության ղեկավար, հակակառավարական շարժման փաստացի առաջնորդ և ՀՀ վարչապետի միակ թեկնածու Նիկոլ Փաշինյանն ընտրվել է Հայաստանի վարչապետ:
Ազգային ժողովի մայիսի 8-ի հատուկ նիստում նրա օգտին է քվեարկել 59 պատգամավոր, դեմ՝ 42:
