Երևան քաղաքի Շենգավիթի ընդհանուր իրավասության դատարանում «Սասնա ծռերի» գործով 10 ամբաստանյալի կալանքը փոխելու միջնորդությունը մերժվել է: Հաջորդ նիստը կկայանա մայիսի 23-ին:
Ավելի վաղ, փաստաբանները մայիսի16-ի նիստում ներկայացրել էին իրենց պաշտպանյալների խափանման միջոց կալանքը փոխելու մասին միջնորդություններ:
Գործի շրջանակում մեղադրյալներն են Պավել Մանուկյանը, Վարուժան Ավետիսյանը, Արայիկ Խանդոյանը, Մխիթար Ավետիսյանը, Գագիկ Եղիազարյանը, Արմեն Բիլյանը, Սմբատ Բարսեղյանը, Արեգ Կյուրեղյանը, Էդուարդ Գրիգորյանը և Սեդրակ Նազարյանը։
ՀՀ վարչպետ Նիկոլ Փաշինյանը հայտարարել էր, որ կարծում է՝ պետք է քաղբանտարկյալների խնդրին լուծում տրվի օրենքով նախատեսված գործիքներով։