Ռումինիայի պետական TAROM ավիաընկերությունը 2018 թվականին մտադիր է երկրի մայրաքաղաք Բուխարեստից ուղիղ չվերթներ իրականացնել դեպի Երևան, Թբիլիսի և Օդեսա քաղաքներ: Այս մասին գրում է Routes Online կայքը:
Նշվում է, որ ընկերությունն իր մտադրության մասին հայտարարել է մայիսին: Այն SkyTeam միջազգային դաշինքի անդամ է:
1996 թվականի մարտի 25-ին Երևանում համաձայնագիր է ստորագրվել Հայաստանի Հանրապետության կառավարության և Ռումինիայի կառավարության միջև օդային հաղորդակցության մասին: